INHOUDSOPGAWE
Kliek of op die Resep om vinnig na
hom toe tes spring
#1 VEGETABLE CASSEROLE
Bestanddele
- Vars groente van jou keuse –ek het botterskorsies en patat gebruik
- Ui, in ringe gesny
- Sprietuie, gekap
- 5 ml knoffel, gekap
- 4-6 vars mielies
- 200 g streepspek
- 100 ml botter, gesmelt
- 4 x 5 ml botter vir die groente
- Bietjie krummels (ek gebruik beskuitkrummels)
- 2 ml paprika
- 2 ml knoffelvlokkies
- Vars pietersielie, gekap
- Sout, peper en geurmiddels na smaak
Metode
- Pak die groente en gesnyde uie in die Argilla Large Rectangular bowl.
- Geur met sout, peper en knoffel.
- Trek die blare van die mielies af en draai een streepspek om elke mielie.
- Snipper die oorblywende spek en voeg dit by die groente.
- Strooi bietjie krummels bo-oor die groente en stip dit met die 4 x 5ml botter.
- Pak die mielies bo-op die groente.
- Meng die gesmelte botter, geurmiddel van jou keuse, paprika en knoffelvlokkies en bedruip elke mielie daarmee.
- Sit die deksel op.
- Sit in ‘n koue oond, skakel die oond aan teen 160 ºC en bak vir 60 minute of tot gaar.
- Heerlik saam met enige vleisgereg.
Wenk
- Bedien saam met ons Vark Tjops in Soet Wyn en Sampioen Sous – Resep onder Effortless Dinner Ideas #17.
Bestanddele
- Jy kan enige gemengde, verwerkte of vars groente gebruik wat beskikbaar is in die seisoen, grofgekap.
- Byvoorbeeld:
- Pampoen of botterskorsies, in blokkies gesny,
- Baba wortels, gesny,
- Murgpampoentjies, in blokkies gesny,
- Klein aartappels, heel of groter aartappels wat gesny is,
- Uie, in kwarte/skywe gesny,
- Patats, in blokke gesny,
- Groen-, rooi- en geelsoetrissies (peppers),
- Olie – verkieslik olyfolie,
- Vars of gedroogde kruie,
- Sout en peper of enige ander geurmiddels na smaak.
Metode
- Plaas die rou, grof verwerkte groente in die Argilla Large Oval Roaster bak.
- Besprinkel met olie.
- Strooi jou kruie oor.
- Geur met sout en peper of ander geurmiddels.
- Roer liggies deur.
- Sit die deksel op en bak in die oond teen 160⁰C vir 30 – 45 minute.
- Roer halfpad deur die baktyd en haal dan die deksel af.
- Die groente moet gaar, maar nie pap, wees nie.
- Dit is nie nodig dat jy spesifieke groentes hoef te gebruik nie, gebruik net wat jy het.
Wenk
- Vir afwisseling kan die groente met bruinuiesoppoeier gesprinkel word voor dit gebak word.
Bestanddele
- 2 beessterte
- 2 groot uie, grof gekap
- 1 blikkie, 410g, baked beans in tomato sauce
- Sout, peper en geurmiddels na smaak
- ‘n bietjie paprika – opsioneel
- ‘n bietjie olie
- ‘n paar wortels in repe gesny – opsioneel
Metode
- Sit die ui, wortels en beesstert in die Large Gourmet Roaster.
- Geur met sout, peper en geurmiddels van jou keuse.
- Sprinkel met ‘n klein bietjie olie.
- Sit die deksel op en kook vir ongeveer 2-ure in die oond teen 160°C of totdat die vleis lekker sag is (moet nog aan die beenjies vassit, maar maklik afkom).
- Voeg die boontjies by en kook vir ‘n verdere 30-minute sonder die deksel.
- Wenk
- Bedien met samp en ‘n lekker vars slaai.
- Jy kan die samp in ‘n Small Deep Gourmet maak en saam met die beesstert in die oond gaar maak.
#4 LASAGNE TREFFER (BAIE LEKKER!)
Bestanddele
- 500-700g maalvleis
- 2 bottels tamatie pasta sous (enige geur)
- 2 houers (230g x2) ongegeurde gladde roomkaas/maaskaas
- 125ml gerasperde parmesan kaas
- lasagne velle
- sout en pepper
- 250ml water om die pasta bottels mee te spoel
- 500ml gerasperde mozzarella kaas
- 2 eiers
Metode
- Geur die maalvleis met sout en peper.
- Mikrogolf vir 5-minute in ‘n Medium Argilla bak (Med Classic / Med Gourmet / Med Rectangular / Med Oval) op Hoog.
- Roer gereeld.
- Voeg die pasta sous by die maalvleis.
- Spoel die bottels met die water uit en voeg dit ook by die maalvleis.
- Mikrogolf dit weer vir 3-5 minute op Hoog.
- Meng intussen die room/maaskaas, Mozarella, Parmesan en eiers.
- Plaas ‘n kwart van die maalvleismengsel op die bodem van ‘n Argilla Large Rectangular Roaster bak, gevolg deur ‘n laag lasagne velle, dan weer ‘n laag maalvleismengsel.
- Dan die helfte van die kaas en eier mengsel.
- Pak dan so lae om die beurt en eindig met die laaste helfte van die kaas en eier mengsel.
- Sit die deksel op en bak vir 40-minute in die oond teen 160°C.
- Haal die deksel af en bak vir nog 10-minute tot die kaas mooi bruin gesmelt is.
- Onthou om nooit die oond te voorverhit wanneer jy Argilla produkte gebruik nie.
- Jy plaas jou bak in ‘n koue oond en laat dit saam met die oond warm word.
- Op hierdie manier spaar jy sommer ook op jou elektrisiteitsverbruik.
Bestanddele
- 750 g ontbeende, vellose hoenderstukke, in stukke gesny
- 30 ml olie
- 2 middelslag uie, dun gesny
- 4 knoffelhuisies, fyngekap
- 30 ml meel
- 30 ml gerookte paprika
- 250 ml hoenderaftreksel
- 1 blikkie (410 g) tamaties in blokkies gesny
- 100 ml suurroom plus ekstra vir opdiening
- Gaar pasta vir opdiening
- Vars pietersielie, gekap, vir garnering
Metode
- Sit die ui, knoffel en olie in die Large Classic Roaster en mikrogolf vir 5-7 minute op High.
- Voeg die hoenderstukke en al die ander bestanddele by, behalwe die pasta, suurroom en pietersielie.
- Mikrogolf vir 15-20 minute op Hoog.
- Roer af en toe.
- Voeg die suurroom by en mikrogolf vir nog 5-10 minute.
- Sit voor op pasta en garneer met bietjie ekstra suurroom en pietersielie.
- Vind die instruksies oor hoe om pasta in jou mikrogolf te kook, in ons Basiese Kookgids.
#6 BROWN RICE AND ROASTED VEGETABLES
Bedien met die Vark Tjops en Bruin Sampioene van WEEK 10 van ons
Moeitelose Aandete Idee Resepte.
Bestanddele – Rys
- 250 ml bruinrys
- 750 ml water
- 1 blokkie hoender/beesvleisaftreksel
- Sout na smaak
Metode
- Meng saam in ‘n Medium Gourmet Roaster.
- Mikrogolf onbedek op Hoog vir 10 minute.
- Verminder krag tot 50%, bedek die bak en mikrogolf vir nog 20 minute.
- Hou eenkant vir 10 minute.
- Berei die geroosterde groente voor terwyl die rys rus.
- Bestanddele – groente
- 2 medium wortels, in repe gesny
- ½ van ‘n klein botterskorsie, in blokkies gesny
- ½ koppie broccoli, in klein stukkies gesny
- ½ koppie blomkool, in klein stukkies gesny
- Olie
- Paprika
- Sout en peper
- Fetakaas
- 30 ml gemengde sade
Metode
- Plaas die groente in ‘n Medium Classic Roaster.
- Bedruip met olie.
- Geur met die paprika, sout en peper.
- Mikrogolf vir 10 minute, onbedek op Hoog.
- Kombineer
- Gooi die gaar bruinrys in een van ons slaaibakke, of verdeel dit tussen die kleiner Pasta/Salad Bowls vir individuele porsies.
- Voeg die geroosterde groente by die rys en bo-op met die gemengde sade en gekrummelde feta.
- Sit voor met gewone jogurt gegeur met knoffel en kruie speserye of ons heerlike Mayo Sous.
Bedien die Salsa- en Mayo Sous saam met die Hoender-, Vis- en
Beesvleiskoekies van WEEK 10 se Resepte.
Bestanddele – Salsa
- ½ Pynappel geskil en in klein blokkies gesny
- 1 groen appel, geskil en in klein blokkies gesny
- Komkommer, geskil en in blokkies gesny
- 1 klein rooi ui, geskil en in blokkies gesny
- 15 ml suurlemoensap
- 10 ml olyfolie
- 5 ml suiker
- Sout na smaak
Metode
- Meng al die salsa-bestanddele in ‘n Tapas Bowls of die kleiner Pie Pans.
- Rangskik jou hoender-, vis- of beesvleiskoekies op ’n pragtige Argilla-bord.
- Skep ‘n klein bietjie van die salsa en sous op die patties en geniet saam met ‘n stukkie varsgebakte brood.
- Bestanddele – mayo sous
- 100 ml mayonnaise
- 100 ml gewone jogurt
- 5 ml suiker
- Ina Paarman se Knoffel & Kruie Geurmiddels
- sout en peper
Bestanddele
- 250 ml 4-in-1 sopmengsel
- 6 koppies water
- 3 bees/hoender aftrekselblokkies opgelos in 100ml warm water
- 2 uie, fyn gekap of gerasper
- 15 ml fyngekapte knoffel
- Beenmurg/skenkels/enige kookvleis van jou keuse
- Sout, peper en ander geurmiddels na smaak
Opsioneel:
- 2 aartappels, gerasper
- 2 wortels, gerasper
- 100 ml vars pietersielie, gekap
Metode
- Voeg al die bestanddele in die Deep Gourmet Roaster.
- Sit die deksel op en kook vir 90-minute teen 160°C -of- oornag teen 100°C.
- Laat die sop vir ongeveer 30-minute staan voor opdiening.
- Hierdie is ‘n fantastiese basis vir amper enige tiepe sop.
- Gebruik groente, geurmiddels en kruie na jou keuse.
Bestanddele
- 1x 400g blikkie tamatieroomsop
- 1x 400g blikkie sampioenroomsop
- 1x 170g blikkie tuna in water
- 1x 85g blikkie gerookte mossels in olie
- 600g hake fillette
- 15ml knoffel, fun gekap/crushed garlic
- Vars pietersielie, fyn gekap
- Suurlemoensap
- Sout en swart peper na smaak
- 1 blikkie melk vir elke blikkie sop (2 blikkies melk in totaal)
Metode
- Sny die hake fillette in kleiner blokkies op en stoom dit gaar in die Deep Gourmet Roaster in die mikrogolfoond op Hoog.
- Voeg nou die res van die bestanddele by die vis en kook dit vir 20-25 minute op Hoog in die mikrogolfoond met die deksel op.
- Roer elke 5-minute.
Bestanddele
- ± 2,0 – 2,5 kg skaap/lamsboud,
- Bisto instant meat flavoured gravy powder (opsioneel),
- 3 – 4 knoffelhuisies, fyngedruk (opsioneel),
- 1 of meer ui in 4 gesny (opsioneel),
- Aartappels (opsioneel),
- Geurmiddels van jou keuse,
- Sout en peper,
- ‘n bietjie vloeistof (bier, wyn, water) om die onderkant van die bak te bedek
Metode
- Bedek die onderkant van die Large/XL Oval Roaster met ‘n bietjie vloeistof.
- Voeg die knoffel en ui by.
- Sprinkel beide kante van die vleis met die Bisto, sout en peper of jou gunsteling geurmiddel.
- Sit in ‘n koue oond en skakel dit aan by 160ºC.
- Sit die deksel op en bak vir 60 – 90 minute of tot gaar en pragtig bruin.
- Moenie oorgaar maak nie.
- Bedien warm of koud.
NOTA
- Jy kan lekker groot aartappels in die XL Oval Roaster, en baba aartappels in die Large Oval Roaster by voeg.
- Gooi dit net goed sout en rankskik dit om die vleis.
Bestanddele
- 2 beessterte
- 2 groot uie, grof gekap
- 1 blikkie, 410g, baked beans in tomato sauce
- Sout, peper en geurmiddels na smaak
- ‘n bietjie paprika – opsioneel
- ‘n bietjie olie
- ‘n paar wortels in repe gesny – opsioneel
Metode
- Sit die ui, wortels en beesstert in die Large Gourmet Roaster.
- Geur met sout, peper en geurmiddels van jou keuse.
- Sprinkel met ‘n klein bietjie olie. Sit die deksel op en kook vir ongeveer 2-ure in die oond teen 160°C of totdat die vleis lekker sag is (moet nog aan die beenjies vassit, maar maklik afkom).
- Voeg die boontjies by en kook vir ‘n verdere 30-minute sonder die deksel.
- Bedien met samp en ‘n lekker vars slaai.
- Jy kan die samp in ‘n Small Deep Gourmet maak en saam met die beesstert in die oond gaar maak.
#12 FRESH SUMMER SALAD WITH HONEY AND MUSTARD SAUCE
Bestanddele slaai
- Jy kan enige bestanddele vir die slaai gebruik. Ons het gebruik:
- Botter blaarslaai,
- Kersietamaties,
- Pynappel,
- Avokado,
- Gerasperde wortel,
- Appels in blokkies,
- Rosyne,
- Gekrummelde feta
- Bestanddele Sous
- 50 ml olie,
- 5 ml asyn,
- 5ml heuning/suiker,
- 5 ml dijon mosterd,
- Seldery, grasuie en sprietuie – fyn gekap
- Sout en peper na smaak
Metode
Lewer 500ml
Bestanddele
- 30 ml (2 eetlepels) meel
- 15 ml (1 eetlepel) brandrissiepoeier (of meer as jy van warm hou, maar minder indien nie)
- 2,5 ml (½ teelepel) knoffelpoeier
- 2,5 ml (½ teelepel) gemaalde komyn
- 1,5 ml (¼ teelepel) gedroogde origanum
- 1,5 ml (¼ teelepel) sout
- Knippie fyn kaneel (opsioneel)
- 30 ml (2 eetlepels) olyfolie
- 30 ml (2 eetlepels) tamatiepasta
- 500 ml (2 koppies) hoender- of groenteaftreksel (2 aftrekselblokkies opgelos in 500 ml warm water)
- 5 ml (1 teelepel) appelasyn/witasyn
- Gemaalde swartpeper, na smaak.
Metode
- Meng al die droë bestanddele in die Small Deep Gourmet Roaster.
- Meng al die nat bestanddele met die aftreksel.
- Voeg ‘n bietjie van die aftrekselmengsel by die droë bestanddele om ‘n pasta te maak.
- Klits die mengsel terwyl die res van die aftrekselmengsel bygevoeg word.
- Meng goed en mikrogolf op Hoog.
- Kook die sous totdat die sous effens verdik het.
- Klits aanhoudend om te voorkom dat klonte vorm.
- Proe en voeg nog sout by, indien nodig.
- Verkoel en bottel en hou in yskas.
Wenk
- Ekstra enchiladasous sal tot 5 dae goed in die yskas hou.
- Of vries dit vir tot 3 maande.
- Laat dit afkoel tot kamertemperatuur voordat dit na ‘n glasbottel/fles oorgeplaas word.
#14 SAGO PUDDING - TRADITIONAL / CONDENSED MILK
Bestanddele
- 250 ml sago
- 1,5 liter melk
- 250 ml suiker
- N knippie sout
- 1 eetlepel margarien of botter
- 3 eiers, geskei
- 1 t vanieljegeursel
- Appelkooskonfyt
Metode
- Week die sago vir 3-4 uur in 500 ml melk.
- Mikrogolf 1 liter melk, sout en margarien vir 10 minute op Hoog in die Argilla Large Gourmet Roaster.
- Klits intussen die eiergele en suiker tot romerig.
- Voeg die geweekte melk-sago-mengsel by die gekookte melkmengsel en meng goed.
- Mikrogolf dit op Hoog vir 5 minute.
- Haal uit die mikrogolf en roer goed.
- Mikrogolf dit vir nog 5 minute en roer weer goed.
- Voeg nou die eiergeelmengsel by en roer goed.
- Mikrogolf dit op Hoog vir 5 minute en roer weer goed.
- Klits die eierwitte styf.
- Vou die styfgeklopte eierwitte en vanielje liggies in.
- Laat staan vir 15 minute om te stol.
- Blop appelkooskonfyt hier en daar.
- Geniet saam met vla en/of roomys.
Kondensmelk - Bestanddele
- 1½ koppies sago
- 3 koppies water
- 2 koppies melk
- ½ teelepel sout
- 1 blik kondensmelk
- 2 eiers + 1 eier geskei
- 1 eetlepel botter
- 1 teelepel vanielje-ekstrak
- Kaneel om bo-oor te strooi (opsioneel)
Metode
- Meng sago, water, melk en sout in die Large Gourmet Roaster.
- Kook vir 3 minute by 100% krag in die mikrogolfoond.
- Roer.
- Mikrogolf vir ‘n verdere 7 minute, roer na elke minuut.
- Voeg die res van die bestanddele by, behalwe die fyn kaneel.
- Roer goed deur.
- Skei die wit en die geel van 1 eier en klits die wit styf.
- Vou die styfgeklopte eierwit by die sagopoeding in tot goed gemeng.
- Laat staan vir 15 minute om te stol.
- Blop appelkooskonfyt hier en daar.
- Geniet saam met vla en/of roomys.
Bestanddele – Vla
- 10 – 15 ml vlapoeier (hang af van hoe styf jy dit wil hê)
- 250 ml melk
- 10 – 15 ml suiker (hang af van hoe soet jy dit wil hê)
- 5 ml vanieljegeursel
- ‘n knippie sout
Metode
- Berei eers die vlapoeier met ‘n klein hoeveelheid van die melk voor om klonte te vermy.
- Voeg die res van die melk, suiker en knippie sout by.
- Mikrogolf op hoog vir 2 minute of tot dit begin kook – roer elke 30 sekondes.
- Voeg die vanieljegeursel by.
- Roer en bedien warm of koud.
Bestanddele Deeg
- 125 ml of meer appelkooskonfyt
- 2 t koeksoda
- 125 ml botter of margarine net smeerbaar
- 375 ml koekmeel
- ¾ t sout
- Bestanddele Sous
- 625 ml water
- 250 ml suiker
- 1 t gemmer
- 3 ml sout
Metode
- Meng appelkooskonfyt, koeksoda en botter.
- Voeg die res van deeg bestanddele by.
- Geen vloeistof moet bygevoeg word nie, gebruik nog appelkooskonfyt as die deeg te styf is.
- Maak die sous:
- Meng al die stroopbestanddele en kook dit vir 6 – 10 minute op Hoog in die Argilla Classic Salad/Cake Pudding Ring in die mikrogolfoond.
- Skep lepels vol van die deegbeslag in die kokende stroop. (Die deeg kan maar redelik styf wees).
- Kook die kluitjies vir 5 minute op Hoog in die mikrogolfoond.
- Draai die kluitjies om en kook vir nog 5 minute op Hoog.
- Laat staan vir 2 minute.
- Bedien met vla, room of roomys.
NOTA
- Die kluitjies kan ook in die oond gebak word vir 35 – 40 minute teen 180⁰C.
- Kook die stroop in die mikrogolf, skep die kluitjies in die stroop en bak dan in die oond.
Bestanddele
- ± 1,5 kg varkpens (met been),
- 2 middelslag uie, in ringe gesny,
- 6 naeltjies (of ‘n knippie gemaalde naeltjies),
- ‘n handvol salieblare (of vervang dit met roosmaryn/tiemie),
- 30 ml growwe sout,
- 15 ml bakpoeier,
- 1 x 330 ml appelbier (savanna/savanna light),
- Baba-aartappels (opsioneel).
Metode
- Sit die uieringe in die Large Classic Roaster / Large Oval Roaster.
- Sprinkel hulle met óf salie, roosmaryn of tiemie en naeltjies.
- Gooi die appelbier oor die uie.
- Gebruik ‘n skerp mes en sny verskeie snye oor die vel van die varkpens (sny deur die vel en vet, maar nie in die vleis nie).
- Sprinkel die bakpoeier en sout oor en vryf dit met jou vingers oor die vel en in die kepe in (die bakpoeier sorg vir ‘n heerlike bros vel).
- Plaas die varkpens met die velkant na bo, bo-op die uie in die Large Classic/Oval Roaster.
- Skakel die oond aan en bak vir 2½ – 3 uur by 160ºC.
- Voeg die baba-aartappels vir die laaste uur by.
- Bak tot bruin en bros.
- Sit voor met slaai en ingelegde kwepers.
Bestanddele
- 1 liter melk
- 2 ml sout
- 180 ml koekmeel
- 15 ml botter of margarien
- kaneelsuiker
Metode
- Mikrogolf die melk vir 10-minute in die Medium Gourmet Roaster.
- Meng intussen die koekmeel en sout (ek sit dikwels net so ‘n teelepeltjie suiker ook by).
- Vryf die botter met jou vingers in die meel in.
- Voeg die meelmengsel by die warm melk.
- Klits met ‘n draadklitser totdat klontjies vorm.
- Mikrogolf dit vir ‘n verdere 4-minutes op hoog.
- Bedien dadelik – sprinkel met ‘n bietjie lekker kaneelsuiker.
#18 CHICKEN LIVERS IN TOMATO CREAM SAUCE
(Maak 2 porsies)
Bestanddele
- 500 g hoenderlewers
- Sout en peper na smaak
- 1 eetlepel olie
- 1 ui, gekap
- ½ blikkie tamatiepuree
- 1 koppie vars room
- Tabasco sous na smaak
- Vars gekapte soet basiliekruid
Metode
- Maak die lewers goed skoon en week vir 10 – 20 minute, in bietjie melk indien so verkies.
- Spoel af met water.
- Braai die ui in die olie in die Medium Classic Roaster vir 3 – 5 minute op hoog in ‘n mikrogolfoond.
- Geur die hoenderlewers met sout en peper na smaak en voeg by die uie.
- Mikrogolf vir 7 – 8 minute op hoog of totdat die lewers gaar is.
- Voeg die tamatiepuree en room by en mikrogolf vir nog 3 – 5 minute tot die hoenderlewers gaar is.
- Geur na smaak met Tabasco sous en nog sout en peper indien verkies.
- Sit warm voor en garneer met vars gekapte basiliekruid.
NOTA
- As die sous te dun is, voeg ’n bietjie tamatieroomsoppoeier by om dit te verdik – opsioneel – maar met vars brood sal jy ’n dunner sous geniet.
Bestanddele
- 1 bakkie (230 g) roomkaas, saggemaak
- 30 ml (2 eetlepels) water
- 10 ml (2 teelepels) uiepoeier
- 10 ml (2 teelepels) gemaalde komyn
- 2,5 ml (½ teelepel) sout
- 1,5 ml (¼ teelepel) peper
- 4 – 5 koppies gekookte hoender in blokkies gesny
- 10 tortillas teen kamertemperatuur
- 1 blikkie (410 g) condensed cream of chicken soup, undiluted
- 250 ml (1 koppies) suurroom
- 250 ml (1 koppie) melk
- 1 groen soetrissie, fyn gekap (of as jy van warm hou – 1 jalapeno, fyn gekap – pitte verwyder)
- 375 ml (1½ koppies) cheddarkaas, gerasper
Metode
- Meng sop, suurroom, melk, sout en peper in ‘n mengbak.
- Bedek die onderkant van die Large Rectangular Roaster met ‘n bietjie van die sousmengsel – hou die res om oor enchiladas te gooi.
- Klits roomkaas, water, uiepoeier, komyn, sout en peper in ‘n groot genoeg bak tot glad.
- Roer hoender by.
- Plaas ongeveer ‘n ¼ koppie hoendermengsel in die middel van elke tortilla.
- Rol op en plaas naatkant na onder in die Large Rectangular.
- Gooi die res van die sous oor die enchiladas.
- Strooi kaas oor.
- Sit in koue oond – skakel aan by 160 ºC en bak, onbedek, 30-40 minute of tot deurwarm.
#20 CREAMY MUSHROOM AND BLACK PEPPER SAUCE
Bestanddele
- 1 x 38 g sakkie swartpeper droë sous
- 200 g gekapte sampioene
- 30 ml botter
- 250 ml kook water (of helfte water en helfte melk)
Metode
- Mikrogolf die gekapte sampioene en botter in die Small Deep Gourmet Roaster vir 5-7 minute op Hoog.
- Maak die inhoud van die sakkie leeg in die bak met die sampioene en voeg 125 ml water by.
- Roer met ‘n vurk vir ‘n minuut lank, tot dit dik en glad is.
- Voeg 125 ml warm melk (of water) by en roer goed.
- Bedien met steak of ons bekende Steak Schnitzels.
(circa. 2024)
No comments:
Post a Comment